Hendrik Frederick Prinsloo (Dl), was ook die vader van George Diederick Prinsloo

(geboortedatum onbekend). Dit is nie bekend wie sy vrou was nie, maar hulle het onder andere ‘n seun gehad, nl Willem Jacobus Prinsloo, wat op 07/02/1858 gebore is. Albei het ‘n groot en leidende rol in die Dorslandtrekke gespeel.

Weens die swak bewind van President Burger, het die burgers gevrees dat Brittanje die Zuid Afrikaanse Republiek sou annekseer (wat toe wel later plaasgevind het!). Ten einde Britse oorheersing vry te spring, het daar in 1874 en later in 1877 ‘n tweede groep mense na DuitsWes Afrika (Namibië) en Portugees- Wes Afrika (Angola) begin trek. Willem Jacobus Prinsloo was in hul geledere en George Prinsloo, sy vader, het as hulle landdros opgetree.

Dors, malaria en vyandige inboorlinge was verantwoordelik vir die talle sterftes en onbeskryflike ontberinge van die Dorslandtrekkers. Op 1/06/1879 is Willem getroud met Susanna Catherina Magdalena Petronella Labuschagne. In 1884 het ‘n groep trekkers, onder leiding van George Prinsloo, na die Grootfontein distrik getrek en op 20/10/1885 aldaar die Republiek Upingtonia gestig, met George as President. ‘n Jaar later is die republiek weens onuithoudbare vyandelike inboorlinge ontbind en het die Prinsloos terug verhuis na die ZAR.

Na George se dood in 1888, het Willem as leier van die derde Dorslandtrek, teruggetrek na Angola, en hom in 1892 in die Humpata omgewing gevestig waar hy ‘n boer was. Hy is in 1925 oorlede.