Die geskiedenis van die “D-geslag” (Willem die Oue se kinders), word vir agtergrondsdoeleindes beskryf.

In 1795, na aanleiding van Napoleon Boneparte van Frankryk se inname van lande in Europa, het Engelse skepe Kaap toe gevaar en die Kaap in 1795 geannekseer. In 1802 egter, in uitvoering van die Verdrag van Amiens, is die Kaap teruggegee aan die Frans-Hollandse sattelietadministrasie, naamlik die Betaafse Republiek. In 1805 het daar egter weer oorlog tussen Frankryk en Engeland uitgebreek en die Engelse het die Kaap finaal geannekseer.

Gedurende die eerste Engelse bewind in 1799, het ontevrede Trekboere (of soos dit van nou af genoem kan word, Grensboere), onder leiding van o.a. Adriaan van Jaarsveld en Marthinus Prinsloo die Republiek van Graaff-Reinet uitgeroep. Marthinus Prinsloo was ‘n verkose

volksleier en hy het die eedaflegging van getrouheid aan die Britse kroon teengestaan en die eedaflegging verbied. Hy was ook een van die hoofwoordvoerders van die burgers op die vergadering wat op 22/03/1796 met Generaal Craig van die Britse Kaapregering gehou is. Voortvloeiend hieruit het die Engelse owerheid hulle vir hoogverraad gearresteer en in die kerker in die Kaap opgesluit, in afwagting van teregstelling. In 1802 egter, met die totstandkoming van die Betaafse regeringstydperk, is Marthinus Prinsloo vrygestel. Van

Jaarsveld het in aanhouding gesterf. Marthinus was ook die beroemde grenskommandant voor die Engelse oorname van die Graaff-Reinet gebied. Met die heranneksasie van die Kaap deur die Engelse in 1805, is daar gerebelleer vir die behoud van die gestigte Republiek, en sy broerskind Hendrik Frederick Prinsloo “Junior” (El), is as gevolg hiervan tereggestel (kyk na die geskiedenis van Hendrik Frederick Prinsloo — El)

Marthinus Prinsloo wat in die omgewing van Boschberg woonagtig was, was die 4de seun van Willem die Oue en is op 13/05/1751 gebore. Dit is nie bekend met wie hy in die huwelik getree het nie, maar dit is bekend dat hy ‘n seun Willem gehad het. Die ander kinders is onbekend. Hy is in 1816 oorlede.