Die periode wat Willem Prinsloo geleef het, word gekenmerk deur aanhoudende probleme met die Xhosa’s aan die Oosgrens en Trekboere wat as gevolg daarvan begin saamstaan het teen die bedreiging. Die Oos-lndiese Kompanjie, wat tot die volksplanting aan die Kaap bygedra het, het in hierdie stadium begin verswak en het nie belang gestel in die Oosgrensprobleme van die Trekboere nie.

Dit is onseker op watter stadium Willem die Oue na die binneland getrek het, en of dit saam met sy vader Nicolaas in 1772 was. Hy was egter ‘n kranige veeboer en jagter. Hy was ‘n gesiene man en is deur talle bekendes op sy plaas, waarvan die ligging onbekend is, besoek. Volgens inligting is hy o.a deur Hendrik Swellengrebel en die goewerneur JA van Plettenberg besoek. Dit is ook bekend dat hy gereeld funksies, aangebied deur genoemde goewerneur, in die Kaap bygewoon het.

Willem Prinsloo was die derde seun van Nicolaas Prinsloo en is op 05/05/1715 in Paarl in die destydse Kaapkolonie gebore. Hy is op 19/10/1742 getroud met Maria Elizabeth Klopper, dogter van die stamvader Hendrick Klopper en sy vrou Catharina Botha (dogter van die stamvader Frederik Botha). Uit die huwelik is 5 seuns en 3 dogters gebore, naamlik:

• Nicolaas Prinsloo (25/08/1743)
• Petronella Prinsloo (01/10/1744 — getroud met ‘n Krugel)
• Hendrik Frederick Prinsloo (04/07/1746)

            Willem Prinsloo (25/12/1749)

             Marthinus Prinsloo (13/03/1751)

 Jochemus Johannes Prinsloo (13/10/1754)  Catharina Margaretha Prinsloo (06/02/1757)

• Maria Elizabeth Prinsloo (07/10/1759)

Die oorsprong van die naam “Willem die Oue” is ook onbekend, maar dit is die eerste “Willem” in die Prinsloo-familiestamboom. Hy is op 66 jarige leeftyd op 7/7/1781 in Somerset-Oos oorlede. Die geboorte- en sterfdatum van sy vrou Maria Elizabeth Klopper is nie bekend nie.