Aangesien Nicolaas Prinsloo se broer en susters kinderloos gesterf het, kan hy in der waarheid as ‘n mede stamvader beskou word.

Gedurende Nicolaas Prinsloo se leeftyd het die Vryburgers aanhoudend gebuk gegaan onder diefstal en ander probleme met die Hottentotte, wat gevoel het dat hulle van hul grond beroof word. Die gevolg is dat die Vryburgers of Trekboere, soos hulle nou genoem word, voortdurend buite die grense van die Kolonie getrek het ten einde hierdie probleem die hoof te bied.

Oorbeweiding het hulle ook gedwing om voortdurend weivelde te vind vir hul skaapkuddes. Die Koloniale grense is gevolglik van tyd tot tyd her-vasgestel. Gedurende 1730 het hulle ooswaarts tot in die omgewing van George weggetrek, en noordwaarts tot by Langkloof. In 1734 is die

Brakrivier as nuwe oosgrens vasgestel en in 1771 verder geneem tot by die Gamtoosrivier. In 1778 is die Groot Visrivier as oosgrens van die Kolonie vasgestel. In hierdie omgewing het Xhosa diefstalle en stropings hulle genoodsaak om verder noordwaarts, in die huidige Oos-Kaap hul heil te gaan soek.

Nicolaas Prinsloo het moontlik ook hierdie probleme ervaar or, dit is bekend dat hy gedUrende

1772, op 86 jarige ouderdom, in die binneland geboer het. Sy plaas was aan die voet van die Boschberg, agter Bruintjieshoogte, naby die huidige Somerset-Oos. Nicolaas kan dus beskou word as ‘n Oos-Kaapse pionier en tot en met die Groot Trek was hierdie plaas (en omgewing) hoofsaaklik Prinsloobesit.

Nicolaas Prinsloo was die oudste seun van Adriaan Gerritzoon Prinsloo en is op 11 Augustus 1686 in die Kaap gebore. Gedurende 1714 is hy met Petronella van Staden, dogter van Martinus van Staden en sy vrou Ernesta van Ameron getroud. Uit die huwelik is 6 seuns en I dogter gebore naamlik:

                  Martinus Prinsloo (14/05/1713 —jonk oorlede)

• Hendrik Prinsloo (31/05/1714 —jonk oorlede)
• Willem Prinsloo “Willem die Oue” (05/05/1715)
• Nicolaas Prinsloo (27/10/1723) *In 1751 getroud met Sara Cordier (3 seuns en 1 dogter)
• Joachim Prinsloo (21/11/1717) *Getroud met Johanna Kemp (geen kinders)
• Aletta Catherina Prinsloo (11/08/1720) *Ongetroud oorlede
• Marthinus Prinsloo (30/12/1725) *Ongetroud oorlede

Dit is insiggewend dat Adriaan Gerritzoon Prinsloo nie vernoem is nie. Dit blyk uit die huweliksdatum en geboortedatums hierbo dat Martinus Prinsloo moontlik ‘n buite-egtelike kind was en Hendrik Prinsloo gedurende hul huweliksjaar gebore is. Dit is dus n moontlikheid dat familieverwerping hier kon plaasgevind het en Adriaan dus nie hier vernoem is nie. Dit is egter slegs bespiegeling.

Die sterfdatums van Nicolaas Prinsloo en sy vrou Petronella is onbekend, maar dit kan aanvaar word dat hy nie baie lank na 1772 gelewe het nie. Dit kan ook aanvaar word dat hulle op hul plaas begrawe is.