Erasmus Daniël Prinsloo was as ‘Oom Danie’ en by die ouer garde (nou almal oorlede) as ‘Kjind’ bekend. Hy is op 20/02/1898 gebore en is later (huweliksdatum onbekend) met ‘Tant Lizzie’ (Elizabeth Wilhelmina Pieternella Viljoen) getroud. Tot en met sy huwelik het hy by sy moeder ingewoon. Tant Lizzie is op 15/04/1904 gebore en is op 18/01/1995 oorlede en in Bronkhorstspruit begrawe.

Die skrywer, as kind, onthou Oom Danie, of soos die oumense hom genoem het — Kjind (seker omdat hy ‘n jonger broer was) as ‘n baie humoristiese en vrolike mens wat verskriklik lekker kon lag. Hy was lief vir sy hout wiegstoel en as hy lag, het hy bykans die wiegstoel omgegooi! Ek onthou ook dat Tant Lizzie baie lief vir Krismisrose in hul goedversorgte tuin by hul huis te Boschkop was.

Oom Danie is op 10/10/1978 oorlede en in Bronkhorstspruit begrawe. Die kinders wat uit die huwelik gebore is, is die volgende (volledige name, geboorte- en sterfdatums, waar van toepassing, is nie beskikbaar nie):

Erasmus Daniel Prinsloo

• Ben Prinsloo (Barend Jacobus Prinsloo) * Geboorte en sterfdatum onbekend
• Piet Prinsloo (volle name nie bekend) * Geboorte en sterfdatum onbekend Rassie Prinsloo (Erasmus Daniël Prinsloo) * Geboortedatum onbekend. Oorlede

08/08/2016

Oom Danie en tant Lizzie se grafsteen